ياسمين عبدالعزيز
حسمت الفنانة ياسمين عبد العزيز، مساء الجمعة 12 ديسمبر 2025، الشائعات التي طاردتها طوال الأشهر الماضية حول ارتباطها أو عودتها للحياة العاطفية، مؤكدة في حوار صريح مع منى الشاذلي على قناة ON أن «الحب غير موجود في حياتي الآن، ولا مكان له إلا في الدراما».
وقالت ياسمين بابتسامتها المعهودة:«أنا سعيدة جدًا كده.. مركزة في ولادي وفي شغلي وبس. لو وقعت في الحب أو قررت أتجوز تاني يوماً ما، هيبقى قرار شخصي جدًا، ومش هيعرف بيه غير أهلي وأهله والناس المقربين أوي.. محدش من الجمهور ولا السوشيال ميديا هيعرف حاجة، لأني بقيت بحب الخصوصية أكتر من الأول بكتير».
وأضافت بجرأة واضحة:«أنا اتعلمت أقول لأ.. وكلمة لأ دي ساحرة، بتوقف حاجات كتير كان ممكن تضرني. زمان كنت بستجدع مع ناس معينة وأديهم أكتر من حقهم، واكتشفت إن مش كل الناس تستاهل.. النهاردة أي حاجة مش مريحاني أقول لأ فيها على طول».
وعن نظرتها للماضي، شددت ياسمين:«أنا مش من النوع اللي بيبص لورا أبدًا.. الندم بيجي لما تفكر في اللي فات. كل اللي حصل أنا كنت موافقة عليه في وقته، لكن دلوقتي بقيت أعرف أحمي نفسي أكتر».
وكانت ياسمين قد أثارت جدلاً واسعاً خلال الفترة الماضية بسبب ظهورها مع أشخاص مختلفين في مناسبات عامة، مما فجر شائعات ارتباط أو زواج سري، لكنها أنهت كل التكهنات في الحوار، مؤكدة أن تركيزها الكامل الآن على أولادها ياسمين وسيف، وعلى عودتها الفنية القوية بعد نجاح مسلسل «وتقابل حبيب» الذي فازت عنه بجائزة أفضل ممثلة دراما رمضان 2025.
واختتمت حديثها ضاحكة:«الحب لو جه هييجي لوحده.. لكن دلوقتي أنا مرتاحة كده، ومبسوطة إني بعرف أقول لأ من غير ما أحس بذنب».
