في أول ظهور إعلامي لها بعد تصدرها التريند على منصات التواصل الاجتماعي، كشفت مريم شوقي، صاحبة واقعة التحرش في المواصلات العامة، تفاصيل صادمة عن الحادث الذي تعرضت له، مؤكدة أن الشاب الذي ظهر في الفيديو كان يتتبعها في الشارع، مشيرة إلى أن الناس الذين شاهدوا الواقعة لم يحاولوا التدخل أو تقديم المساعدة.
وقالت مريم، في تصريحات صحفية: "مشي ورايا في الشارع، والناس كلها شافت الموقف ومحدش فيهم قال لي أهدي أو حاول يحل الموقف. شوفته بيكلم حد في الموبايل ويدي له مواصفاتي، وخوفت ليضربني، وضربني بالحجارة، وأنا معرفهوش".
وأضافت: "الراجل الكبير اللي ظهر في الفيديو ممكن يكون جد وأب، لكنه ما حاولش الدفاع عني، بالعكس انتقدني، ولكن دينا ما أمرش بكدا. لو شاف حاجة غلط فيا يغض البصر. أنا واجهت موقف صعب والتحرش مش مرتبط باللبس أو السن والمظهر".
وأكدت مريم أن التحرش لا علاقة له بالملابس أو المظهر، قائلة: "أنا نازلة من شغلي وكنت لابسة بكم وطويل، اللبس مش مبرر للتحرش، ولا سبب، ما فيه تحرش بالأطفال أو المنتقبة أو المحجبة. إحنا بلدنا أحسن من كدا بكتير، ومن أخطأ يعاقب. الستات في مصر ملكات، وعيب اللي حصل دا".
وتابعت: "أنا خايفة أنزل شغلي تاني يتربص لي. تهجم عليا بسبب تصويري له، ومفيش بنت هتطلع تقول تم الاعتداء عليا بالضرب وهي مش على حق. في الآخر ابتسم عشان يوضح إنه راجل مش هامه، أنا مش بربي الناس ولكن ليا حق، وأهلي بيدعموني، وأنا اتربيت إني أعرف أجيب حقي كويس".
موضوعات متعلقة
صرخة "مريم" تهز السكون..التحرش ليس صدفة والملابس ليست مبررًا
