ساندت الإعلامية حياة الدرديري الفنانة شيرين عبد الوهاب بعد الأزمة الصحية التي مرت بها مؤخرًا، مؤكدة دعمها الكامل لها ووقوفها إلى جانبها في هذا الوقت العصيب.
ونشرت الدرديري مقطع فيديو عبر حسابها على موقع "X"، قالت فيه: "كلمتين في السريع للفنانة الكبيرة صوت مصر رغم أنف الحاقدين شيرين عبد الوهاب، مثال لكل بنت مصرية طلعت واشتغلت ووقفت على رجلها وحاربت، وكان كل سلاحها هو موهبتها، وكل سلاحها فنها".
وأضافت الدرديري: "يا شيرين كلنا جنبك وبنحبك ومستنينك، الظروف اللي إنتي بتمري بيها مرت بيها ستات في مصر كتير جدًا، ضحايا علاقات سامة وعلاقات للأسف مزيفة. إحنا مستنينك وجنبك ومعاكي ومنتظرينك تطلعي وتغني وتقفي على رجليكي، كل المصريين والوطن العربي اللي بيحبوكي في ضهرك ومعاكي".
وتابعت "ومستنيين نشوفك ونشوف قوة الست المصرية في وقفتها بعد الأزمة ورجوعها. مش عيب إننا نمر بأزمات، وأنا نفسي من الستات اللي مرّيت بأزمة شبه اللي إنتي فيها، إحنا بنقف على رجلينا تاني وبنرجع أقوى من الأول، كلنا وراكي وبنحبك حبيبتي يا شيرين".
وكانت شيرين عبد الوهاب قد تصدرت محركات البحث مؤخرًا بسبب أزمتها الصحية، وقد حرصت بعض الفنانات على دعمها ومساندتها، واستضافتها في منازلهن لتقديم الدعم النفسي والمعنوي خلال هذه الفترة.
#شرين_عبد_الوهاب#توفيق_عكاشه_حياه_الدرديرى pic.twitter.com/RZNQRfYhS5
— حياه ألدرديرى (@EldarderyH10761) January 21, 2026
موضوعات متعلقة
ـ بين الهجوم والتعاطف.. "شيرين" تشعل السوشيال ميديا بعد أزمتها الأخيرة
ـ شقيق شيرين عبد الوهاب يهاجم نقيبي الممثلين والموسيقيين.. ما القصة؟
ـ فيفى عبده تدعم "شيرين" برسالة : لو مش عندى شغل كنت قعدت تحت رجليكي
