المنتخب
أطلق الإعلامي أحمد شوبير، تحذيرًا شديد اللهجة بشأن مستقبل الكرة في مصر ، مؤكدًا أن أي إخفاق في كبير في كأس الأمم الأفريقية المقبلة بالمغرب 2025 سيكون كارثة تاريخية.
وقال شوبير في برنامجه الإذاعي على «أون سبورت إف إم» حرفيًا: «أقسم بالله لو حصلّنا حاجة في أمم إفريقيا القادمة هنتأخر 20 ولا 30 سنة للخلف.. الكرة المصرية دلوقتي مش مستحملة ضربة جديدة بعد فضيحة كأس العرب والنتايج المهزوزة في التصفيات».
ووجه رسالة صريحة للجماهير والإعلام:«مفيش حاجة اسمها منتخب الجوهري ولا حسن شحاتة ولا حسام حسن.. الكل منتخب مصر، ولازم دلوقتي نقف وراه صفًا واحدًا، مش نستنى الفشل عشان ننتقد».
وأوضح أن انتقاداته لبعض اللاعبين أو الاختيارات الفنية ليست هجومًا شخصيًا، بل محاولة إصلاح: «لما بنقول فلان ميلعبش في المنتخب، ده مش أمر ولا تجريح.. ده نصيحة عشان العين تشوف الأفضل، والكلام موجه للمسؤولين في الاتحاد مش للجمهور».
ودعا شوبير إلى إنهاء حالة «التربص» غير المبررة بالمنتخب الأول: «لازم نمشي خطوة خطوة.. نكسب أول مباراة والدنيا هتتعدل.. لكن لو دخلنا البطولة وإحنا منقسمين أو بنشكك في كل حاجة، هتكون كارثة حقيقية».
واختتم بجملة قاطعة: «منقولش من دلوقتي إن المنتخب ضعيف.. العينة بينة، واللي جاي أهم بكتير جدًا من اللي فات».
