سعد الصغير
وجّه الفنان الشعبي سعد الصغير رسالة حادّة إلى أرملة المطرب الراحل إسماعيل الليثي بعد ظهورها في لايفات على تيك توك تتحدث عن ديون زوجها ومعاناتها المادية.
وقال سعد الصغير «بلاش تبقي زي أرملة إبراهيم شيكا وتفتحي تيك توك وتقولي إن إسماعيل عليه فلوس.. عمره ما كان عليه فلوس لحد، وإحنا أصحابه مش هنسكت على الكلام ده».
وأضاف: «لازم تتجاوزي الحزن وترجعي لحياتك وبناتك، وتعملي وتكفي نفسك وبيتك بدل ما تطلعي تشتكي على السوشيال ميديا».وفي السياق نفسه،
كشف سعد الصغير أنه أطلق منذ فترة مبادرة خيرية لدعم أرملة لاعب الزمالك الراحل إبراهيم شيكا، جمع خلالها مبالغ كبيرة من فاعلي الخير، لكنه يشعر بالحزن لأنها كانت تطلب المساعدة علنًا رغم وجوده وأصدقاء زوجها.
وأكد الصغير:«أنا مش قادر أشوف أرملة صاحبي في ضيق وأسكت.. المبادرة صادقة لوجه الله مش شهرة، وياريت كل أرملة أو أسرة فنان أو رياضي راحل تتواصل معانا بدل ما تطلع تشتكي قدام الناس».
وختم: «إحنا موجودين لأي حد من أهلنا وأصحابنا.. بس الكرامة فوق كل شيء». التصريحات أثارت تفاعلاً واسعاً على السوشيال ميديا بين مؤيد لموقف سعد الصغير الصريح وبين منتقدين اعتبروه تدخلاً في خصوصيات الأرامل.
