.jpg)
مايا دياب
كشفت الفنانة اللبنانية مايا دياب أن دعمها القوي لصديقتها الفنانة دينا الشربيني خلال موجة الهجوم الأخيرة على مواقع التواصل جاء تلقائيًا ومن القلب، مؤكدة أن دينا نفسها لم تكن تعلم بموقفها إلا بعد نشره.
وقالت مايا في تصريحات تليفزيونية:«الدفاع عن دينا مش محتاج جرأة خالص، هي إنسانة خلوقة وأختي وبقلبي من زمان. مكنتش مستنية رد فعلها، كنت مستنية بس إن الناس تهدى عليها شوية. أعتقد إن موقفي ده ساعدها وحسّسها إن في ناس قريبة بتحبها فعلاً، لأن الحب بالفعل مش بالكلام».
وكانت مايا دياب قد فاجأت الجمهور بفيديو نارى على إنستجرام وجهته لمهاجمي دينا الشربيني، قائلة فيه:
«الأكونتات المدفوعة اللي بتتكلم كده على دينا رخيصة هي وأصحابها. للأسف عايشين في زمن الرخص على السوشيال ميديا».
وأضافت غاضبة: «الناس اللي بتاخد القصة من زاوية واحدة، أتمنى ما يعرفوش الحقيقة أبدًا، لأن اللي بيحصل ما يليقش بفنانة عربية ولا بالإعلام الفني اللي المفروض يكون محترم وصادق».
وختمت رسالتها: «مش بس دينا وعيلتها متضايقين، كل اللي بيحبوها متضايقين، وأتمنى محدش يستهين بالأذية النفسية اللي بتتعرضلها وهي ما تستاهلهاش أبدًا. دينا بنت مفيش زيها».
يُشار إلى أن دينا الشربيني تواجه منذ فترة حملات تشهير وانتقادات حادة على مواقع التواصل، مما دفع عددًا من أصدقائها في الوسط الفني للخروج بدعم علني لها، وكان موقف مايا دياب الأبرز والأقوى حتى الآن.
