ودّعت داليا فرج، طليقة المخرج الراحل سامح عبد العزيز ووالدة بناته، زوجها السابق بكلمات مؤثرة وموجعة عبر حسابها على "فيسبوك"، أعربت فيها عن عدم تصديقها لخبر وفاته، متمنية أن يكون مجرد كابوس.
وقالت داليا: "نفسي أنام وأصحى ألاقي ده كابوس ومش حقيقي، بدرى أوي أوي يا حبيبي.. لا إله إلا الله، هتوحشني يا موحه".
وتابعت بكلمات حزينة: "يا رب ما أكونش قصّرت في حقك، هتوحشني أوي يا حبيبي يا غالي، زي ما كنت بقولك دايمًا: إنت الغالي، وترد عليا: حبيبتي.. مش مصدقة إنّي بقولها".
وعن عمق العلاقة التي جمعتهما، كتبت داليا: "اللي بينا حاجة ما فيش غيرنا فاهمها.. بنفهم بعض من نظرة، نتخانق، نزعل، نحلف ما نتكلمش، ونص الصيام رايح على الحلفان، وأول ما تكلمني أنسى وأصالحك على طول، عشان عارفة إن قلبك طيب.. بيبي كبير وضخم، واللي جوانا بتاعنا إحنا وبس".
وأضافت: "مش حاجة ممكن تفهموها أو تسموها.. لينا تأثير قوي على بعض، وفيه حتة جوة كل واحد فينا للتاني خاصة ومختلفة.. عشرة عمري، حبيبي، أبو بناتي.. رغم إنك مشيت، بس اللي مريحني إن آخر 20 يوم كنا مع بعض كلنا على طول".
وكان المخرج سامح عبد العزيز قد رحل عن عالمنا في الساعات الأولى من صباح الخميس، بعد تعرضه لأزمة صحية مفاجئة إثر إصابته بعدوى فيروسية في الدم، تسببت في ارتفاع حاد بنسبة السكر، ما أدى لتدهور حالته الصحية ودخوله المستشفى قبل أن يفارق الحياة.
يُذكر أن سامح عبد العزيز وُلد عام 1976 في القاهرة، وتخرّج في قسم المونتاج بالمعهد العالي للسينما عام 1996. بدأ مسيرته بإخراج البرامج في التلفزيون المصري، ثم انتقل إلى إخراج الكليبات الغنائية، ليشق بعدها طريقه إلى عالم السينما ويصبح من أبرز المخرجين في جيله.
