كشفت الفنانة رانيا يوسف، عن تعرضها للخيانة من زوجها الأول، مشيرة إلى أنها اكتشفت ذلك بعد 4 سنوات من استمرار الخيانة.
وقالت خلال ظهورها في بودكاست "ع الرايق" الذي يقدمه الفنان خالد عليش والمذيعة ميرهان عمرو،: "بنتي الكبيرة ماكنتش بتنام بالليل خالص، وكانت بتقعد ترسم رسومات، وأنا ما فهمتش السبب، لما لاحظت إنها مش بتنام، أخدتها لدكتور طب نفسي أطفال، وقال لي إن البنت حاسة إن البيت مش سعيد".
طلب الطلاق
وأضافت: "بدأت ألاحظ الحاجات دي، واكتشفت إني أنا نفسي مش سعيدة، لما طلبت الطلاق، الطرف الآخر رفض، ومش فاهمة ليه".
وتابعت: "اكتشفت بعد كده إن كان فيه علاقة قائمة بقالها 4 سنين، وأنا ما كنتش عارفة لأن كان فيه ثقة كبيرة جدًا، ولحظة معرفتي بالموضوع ده كانت يوم العرض الخاص لفيلم (زهايمر) للأستاذ عادل إمام، وهي اللي جت وقالتلي".
واختتمت: "اتجوزت بعد كده مرة واحدة، وكان أصغر مني بـ 4 سنين، دلوقتي، ما بفكرش اتجوز تاني، مش عايزة أتوجع تاني".
