منتج السلم والثعبان2
دافع موسى عيسى، المنتج المنفذ لفيلم «السلم والثعبان 2 "، عن العمل بقوة أمام موجة الانتقادات التي طالت الجرأة والإيحاءات الجنسية، مؤكدًا أن الفيلم موجه لفئة عمرية واجتماعية محددة وليس للأطفال أو العائلات.
وقال عيسى في تصريحات تليفزيونية: «فيه ناس حكمت على الفيلم من البرومو بس أو من كلام الناس، ولما دخلوا السينما فعلاً قالوا قصة حب حلوة أوي واتبسطوا.
التعليقات السلبية كلها بتدور حول إن الفيلم فيه إيحاءات ومش مناسب للأطفال، وأنا بأكد: هو فعلاً مش مناسب للأطفال خالص، ومحدش قال إنه فيلم عائلي».
وأضاف: «من وجهة نظري الإيحاءات موجودة لكن مش فجة أوي، وكل واحد بيفهمها حسب تفكيره. أفلام زمان كان فيها أكتر من كده بكتير، وكان فيه ممثلين بيطلعوا ببدل رقص. لو الفيلم مش عاجبك أو مش مبادئك، أنت حر ومتدخلش، محدش بيجبر حد».
وأكد المنتج أن الفيلم يصور شريحة حقيقية موجودة في المجتمع المصري: «الطبقة دي موجودة في مصر، بتتكلم كده، بتخرج كده، بيوتهم كده، وعالمها حقيقي. مش لازم كل فيلم يكون شعبي أو طبقة متوسطة، احنا بنعمل سينما متنوعة».
فيلم «السلم والثعبان 2 – لعب عيال» من بطولة عمرو يوسف، أسماء جلال، ظافر العابدين، ماجد المصري، حاتم صلاح، فدوى عابد، وظهور خاص لسوسن بدر، تأليف أحمد حسني، إخراج طارق العريان، وإنتاج طارق العريان، موسى عيسى، محمد رشيدي، وهشام عبد الخالق.
ورغم الانتقادات، حقق الفيلم إيرادات قوية في أسبوعه الأول، وتصدر شباك التذاكر، مما يؤكد نجاحه تجاريًا رغم الجدل.
