ميدو عادل
كشف الفنان ميدو عادل لأول مرة عن السبب الحقيقي وراء إخفائه أولاده تمامًا عن الأضواء وعن مواقع التواصل الاجتماعي، مؤكدًا أنه قرار مبدئي وليس مؤقتًا.
وقال ميدو بلهجة حادة وصادقة:«أنا رافض تمامًا إن أولادي يظهروا معايا على السوشيال.. مش عايز حد فيهم ييجي يوم يقول أنا ابن ميدو عادل أو بنت ميدو عادل ويفتكر إنه وصل بسبب اسم أبوه. ده أسوأ إحساس ممكن يحصل لطفل. أنا عايزهم يتعبوا، يجربوا الفشل، يقعوا ويقوموا، ويبنوا شخصيتهم ونجاحهم بإيدهم من الصفر».
وأضاف عن تجربة الأبوة:«أكبر تحدي في حياتي حاليًا هو إني أربي أولاد صالحين في الزمن الصعب ده. الجواز مسؤولية ثقيلة جدًا، وأنا زمان كنت بقول إني مش عايز أتجوز خالص والناس زعلت مني.. لكن دلوقتي بقول: لو اتجوزت يبقى لازم تكون راجل بجد وتقدر تحمل المسؤولية كاملة».وفي مفاجأة كبيرة، أعلن ميدو أنه يتمنى بشدة أن يسير أولاده على خطاه في الفن،
وقال:«نفسي جدًا أولادي يدخلوا الفن.. الفن أجمل حاجة ربنا خلقها في الدنيا، فيه إبداع وحرية تعبير وإحساس ما بيتوفرش في أي مهنة تانية. لو ربنا ادى لأي واحد فيهم موهبة، هكون أسعد أب في الدنيا».
أما عن السوشيال ميديا، فلم يُخفِ اشمئزازه الشديد:«السوشيال ميديا أكبر خدعة في التاريخ.. الكل بقى فنان وناقد ومحلل وكل حاجة،
وفي الآخر بتدمر بيوت وعلاقات ونفسيات. أنا هفضل أكرهها طول عمري».يُشارك ميدو عادل حاليًا في مسلسل «حكيم باشا» الذي عُرض في رمضان 2025، بجانب مصطفى شعبان، رياض الخولي، سهر الصايغ، سلوى خطاب وآخرين، تأليف محمد الشواف وإخراج أحمد خالد أمين.
