اعتبرت الفنانة داليا البحيرى، هذا الصيف هو "الأسوأ" بعد تعرضها لحادث كاد يودي بحياتها، رغم حبها الكبير له ولأجوائه.
حب الصيف
وعبر انستجرام، أضافت البحيري: "الحمد لله على كل شيء طبع، لازم نحمد ربنا على كل حاجة وفى كل وقت.. اللى يعرفونى كويس يعرفوا إنى من محبى الصيف جدًا، بحب البحر والشمس والسمار ولمّة العيلة وكل حاجة فيه جميلة حتى فاكهته، لكن الحقيقة السنة دي كانت من أسوأ الصيفيات اللي عدت عليا في الساحل".
ضغوط كبيرة
وقالت إنها واجهت ضغوطًا كبيرة بسبب انتقالها من منزل لآخر بشكل مفاجئ وغير مرتب، الأمر الذي جعلها في حالة توتر شديد، وأثر سلبًا على صحتها.
كورورنا
وأشارت إلى أنها أصيبت بدور برد شديد أو "كورونا" على حد وصفها، ما جعلها طريحة الفراش لمدة ثلاثة أسابيع. وتابعت: "لما ابتديت أخف شوية حسن جوزي اتعدى وتعب أكتر منى جدًا، واضطرينا نروح مستشفى، وقعدنا أربع ساعات هناك في ديب فريزر من شدة التكييف".
الرجوع للمستشفى
وتابعت: "رجعنا من المستشفى وبعد أقل من ساعة حرارتي طلعت تاني ورقدت، ومن يومها وأنا مش بتحسن. ويكتمل السيزون وإحنا راجعين من الساحل وأنا تعبانة وكان عندي ارتباط مهم في القاهرة، لكن فجأة الكاوتش بتاع عربيتى اتفرتك وطلع دخان. بحمد ربنا إنه حصل عند بوابة الدخول وماكنتش ماشية بسرعة، وده ستر ربنا الجميل".
