اشتعلت الأزمة بين الإعلامي عمرو أديب ورئيس نادي الزمالك السابق مرتضى منصور، على خلفية قرار سحب أرض النادي بمدينة 6 أكتوبر، حيث وجّه أديب انتقادات حادة عبر حسابه على منصة "إكس".
وقال أديب في تدوينته: «صحيت بدري عشان أراجع الإثباتات والسي ديهات، لقيت نفس الكلام المكرر.. شتيمة وفبركة وقلة أدب. يا مورتا خلاص انتهى زمنك، وعجزت ومبقتش تخوف حد. من دلوقتي إحنا اللي هنكشف فضايحك وفضايح عيالك. الزمالك بيطلع لفوق وأنت بتنزل لتحت. ولو مفيش أدلة.. النيابة موجودة والكلبشات مستنياك».
كما واصل أديب هجومه خلال حلقة برنامجه على شاشة «إم بي سي مصر»، مؤكدًا أن مرتضى منصور يعيش حالة من الغضب والحقد على المجلس الحالي بعد إبعاده عن رئاسة النادي.
وأضاف قائلاً: «المجلس الجديد جي يصلّح الخراب اللي عمله مجلس مرتضى، والناس لازم تعرف إن البلاغ الخاص بأرض النادي قدّمه مرتضى نفسه. وأنا بقولك يا مرتضى، أنا مش بخاف منك.. الفكرة اللي اسمها مرتضى منصور لازم تختفي».
