#ساعدونا_نلاقي_عبير.. نداء إنساني يبكي القلوب من سوهاج: "عبير خرجت وما رجعتش"

عبير خالد محمد بكري

عبير خالد محمد بكري، طالبة بسيطة من بنات جرجا، عندها 19 سنة، خرجت من بيتها يوم الاثنين 28 أبريل 2025، وكان آخر ظهور لها في شارع جحا – شرق الكوبري – سوهاج… ومن ساعتها اختفت تمامًا

أهلها بقالهم أيام لا بيذوقوا طعم النوم ولا الأكل، عايشين على أمل مكالمة أو خبر يطمنهم إنها بخير.

تمر الأيام على أهل عبير كأنها سنوات، بين دموع لا تجف وأمل لا ينطفئ.

تقول أمّها: "مش عايزين غير نطمن عليها.. حتى لو بكلمة." أما والدها فيعيش لحظة بلحظة على أمل إنها ترجع وتفتح باب البيت وتقول "أنا جيت يا بابا".

مناشدة عاجلة

يطلب أهلها من أي شخص "لو شوفت عبير أو تعرف عنها أي معلومة، مهما كانت بسيطة، رجاءً اتصل فورًا".