وجه مرتضى منصور، رئيس نادي الزمالك السابق، انتقادات حادة إلى الإعلاميين أحمد موسى وإبراهيم عيسى وعمرو أديب، متسائلًا عن دورهم الفعلي تجاه أزمات المنطقة.
وقال منصور في مقطع فيديو بثه على قناته بموقع يوتيوب: "أنتم زعلانين على سوريا والسودان وحماس؟ طيب ليه ما ساعدتوهم وقت ما كانوا محتاجين المساعدة؟ ليه ما وقفتوش جنب بشار في سوريا ولا البرهان في السودان؟".
وأضاف: "أنتم بتتكلموا عن قضايا كبيرة زي فلسطين وحماس، بينما أطفالنا ونساؤنا في غزة بيتعرضوا للقتل والتهجير، وما بتعملوش حاجة فعلية لمساندتهم".
ووجه منصور رسالة غاضبة، قائلاً: "إحنا فين كعرب ومسلمين؟ كل اللي بتعملوه كلام على الشاشات، والواقع شيء تاني تمامًا، إسرائيل تقتل وتدمر في فلسطين، والناس بتحتفل برأس السنة كأن ما فيش حاجة بتحصل".
وانتقد المواقف المتناقضة لبعض الأنظمة العربية والإعلاميين، قائلاً: "بتسيبوا اللي يعاني في السجون وتحطوا مكانه ناس تانية، هو ده الحل؟ فين العدالة؟".
كما هاجم السياسات الأمريكية والإسرائيلية، قائلًا: "مين أمريكا؟ دولة ظالمة بقالها 300 سنة، ومع ذلك العرب خايفين منها ومن إسرائيل.. ده عار".
وفي ختام حديثه، أكد مرتضى: "كلنا هنتحاسب يوم القيامة على اللي بيحصل.. أطفال بتموت بالقنابل أو من البرد، وأنتوا قاعدين تتفرجوا.. ما حدش عنده دم؟".
https://www.youtube.com/watch?v=qmKqLAiL5NE