هاجم عصام الحضري، حارس مرمى منتخب مصر الأسبق، الإعلامي أحمد شوبير على خلفية الخلافات الممتدة بينهما، مؤكدًا أنه لا يفكر في الصلح، ومعتبرًا أن شوبير «يستحق كارتًا أحمر».
رسالة حادة وكارت أحمر
وخلال تصريحات إعلامية، وردًا على سؤال بشأن من يمنحه «كارتًا أحمر»، قال الحضري: «هو عارف نفسه.. كابتن شوبير، وهديه كارت أحمر، ومفيش إمكانية لمراجعة بعض المسائل»، مضيفًا: «والله لو مين، أنا لما بقفل بكون وحش».
وأشار الحضري إلى أن الخلاف بينهما ممتد منذ سنوات طويلة، موضحًا: «لو أنا زعلتك ممكن أزعلك سنة أو سنتين، مش 28 سنة.. أنت زعلان مني من 1997 لحد 2025، ولو في أقوى من كارت أحمر ياخده، لكن مفيش».
رسائل مباشرة وموقف ثابت
وتابع الحارس الدولي السابق حديثه مؤكدًا أن الحياة تتغير باستمرار، قائلًا: «الدنيا بتتغير ومنعرفش بكرة فيه إيه، لكن طول ما ربنا عارف نيتك فاعرف إن ربنا معاك»، لافتًا إلى أنه يحرص دائمًا على محاسبة نفسه قبل أي شيء.
واختتم الحضري تصريحاته برسالة واضحة بشأن إمكانية الصلح، قائلًا: «أنا مبصالحش حد، وده للناس اللي بتقولي صالحوا بعض»، في إشارة إلى تمسكه بموقفه وعدم نيته إنهاء الخلاف في الوقت الحالي.
موضوعات متعلقة
ـ عصام الحضري: "سأظل أسطورة طول حياتي واللي مش عاجبه يشرب من ترعة كفر البطيخ"
ـ الحضري يوجه رسالة دعم وتحفيز للشناوي قبل مواجهة السنغال
ـ عصام الحضري يوجه رسالة حب لزوجته أم ياسين مع بداية العام الجديد: وش السعد ونور حياتنا (صور)
ـ انفعال غير مسبوق.. كواليس صراخ الحضري على السولية لإنقاذ هدف التعادل أمام الكويت
