تداول رواد مواقع التواصل الاجتماعي، فيديو صادم بيوثق واقعة تقريبا لو حد قال عليها بدون فيديو ماحدش هيصدقه
إزاي بنات تتحول كده وتقلب لبلطجية وألفاظ وضرب شاب سائق على توك توك
الفيديو بيوثق واقعة غريبة، لما البنت تتحول لوحش يضرب ويشتم بألفاظ بذيئة وكمان تعمل أصوات عيب أي حد يعملها
الخلاف حصل بين سائق توك توك وبنتين راكبين معاه، بعد ما اختلفوا على قيمة الأجرة، لكن البنات دي ماسكتتش له ونزلوا فيه ضرب وشتايم
السائق ده كان لازم يرجعله حقه، عشان كده اتحركت قوات الأمن وقبضت على البنات دي عشان يتأدبوا بالقانون
وزارة الداخلية قالت في بيان لها إنه فى إطار كشف ملابسات مقطع فيديو تم تداوله بمواقع التواصل الإجتماعى تضمن قيام سيدتين بالتعدى على سائق مركبة "توك توك" لخلاف بينهم حول الأجرة بالجيزة.
بالفحص تبين أنه بتاريخ 31 يناير المنقضى تبلغ لمركز شرطة أبوالنمرس بالجيزة من (سائق مركبة "توك توك" - مقيم بدائرة المركز) بتضرره من (سيدتين - مقيمتان بدائرة المركز) لقيامهما بالتعدى عليه بالسب والضرب دون حدوث ثمة إصابات لخلاف بينهم حول قيمة الأجرة.
أمكن ضبط المشكو فـى حقهما.. وبمواجهتهما إعترفتا بإرتكابهما الواقعة لذات الخلاف.
تم إتخاذ الإجراءات القانونية.
