المطربة ساندي
كشفت المطربة ساندي عن تفاصيل حالتها الصحية بعد خضوعها لعملية جراحية في الحاجز الأنفي، موضحة أنها كانت تعاني من مشكلة في التنفس نتيجة كسر وانسداد بالحاجز، وهو ما تسبب لها أيضًا في أزمة بصوتها.
وقالت ساندي كان عندي مشكلة في التنفس، والدكتور قالي لازم أعمل عملية في الحاجز الأنفي لأنه كان مكسور وكان عامل انسداد، وده أثر على صوتي وودني.. الحمد لله دلوقتي بخير وخرجت من المستشفى.
وفي وقت سابق تحدثت ساندي، عن أغنيتها عمال يدق التي طرحتها الفترة الماضية، والتي تصدرت تريند موقع تيك توك، معربة عن سعادتها الكبيرة بالنجاح الذي حققته الأغنية.
وقال ساندي، في تصريحات سابقة: أنا موحشتش الجمهور خالص لأن أغنية عمال يدق طالعة تريند بقالها شهر ونص أو شهرين ودي معجزة، المفروض تدخل موسوعة جينيس لأن مفيش أغنية بتفضل تريند كل ده، وده أكبر نجاح عملته، الناس زهقت مني بسبب أغنية عمال يدق، ولكن دي أغنية من 8 سنين مش جديدة ولكنها نجحت مؤخرًا.
وجاءت كلمات أغنية عمال يدق كما يلي: عمال يدق يدق، هو اللي أنا فيه دا أسمه حب، بحب باقلي كذا يوم مش عارفة ليه، بقيت متغيرة، عمال يدق يدق، عمال يدق يدق، دا باينه قلبي أتجنن ونازل زن ما بيفكر غير فيه، مش عارفة أنا إذ كنت بحبه ولا مجرد معجبة بيه، مش عارفة إذ كنت بحبه ولا مجرد معجبة بيه.
