شارك الفنان أحمد الفيشاوي جمهوره لحظة إنسانية مؤثرة، عبر حسابه الرسمي على موقع "إنستجرام"، حيث نشر مقطع فيديو يظهر فيه وهو يؤدي الصلاة، ممسكًا بسبحة والده الراحل، الفنان الكبير فاروق الفيشاوي.
وأرفق الفيشاوي الفيديو بتعليق عبّر فيه عن ارتباطه العاطفي بذكرى والده، قائلًا:
"دي سبحة فاروق الفيشاوي، الوالد العظيم والجدع الطيب.. السبحة دي كانت معاه آخر 3 سنين في حياته، كانت ملازماه ومكانش بيسيبها."
“عايش لوحدي.. ومرتاح”
وفي سياق آخر، تحدث أحمد الفيشاوي عن اختياره لحياة العزلة بعيدًا عن الزواج والإنجاب، موضحًا أن هذا القرار نابع من رغبته في التفرغ التام للفن وصناعة السينما.
جاء ذلك خلال ظهوره في بودكاست "حوارات مع عباس"، الذي يقدمه الفنان عباس أبو الحسن، حيث قال:
"أنا شخصية عايز أبقى لوحدي تمامًا، وده بقاله 6 سنين، ولو ربنا إداني العمر هفضل كده لآخر نفس.. لما بعيش لوحدي مفيش خيانة، مفيش كذب، مفيش نكد، وبكون قادر أركز في السينما اللي بحبها."
وأضاف: "واحدة من زوجاتي قالتلي: لو سبتني هتموت لوحدك. بس هي فتحت لي باب عمري ما كنت هشوفه، والإخراج اللي أنا بحبه مش كنت هكمله. أنا شايف إن في النهاية هدخل القبر لوحدي، ليه أكون وسط دوشة وأنا خلاص رايح على الآخرة؟ يمكن آخر ساعات حياتي أبقى على سريري وأقول: يا رب ارحمني، أنا بموت."
