مدرسة كابيتال
تصدرت وكيلة مدرسة كابيتال الدولية بالتجمع الخامس الترند عبر مواقع التواصل الاجتماعي عقب نشر منشور هاجمت فيه وزير التربية والتعليم.
وأوضحت نرمين محمد وكيلة مدرسة "كابيتال الدولية"، إن المتهمة بالاعتداء على طالبة التجمع، لها وقائع اعتداء أخرى قبل عامين ولم تتخذ الوزارة ضدها إجراء.
المدرسة طالبت بفصل الطالبة سابقًا
وقالت "نرمين" تم وضع مدرسة كابيتال الدولية تحت الإشراف المالي والإداري ليه، عشان حصلت خناقة بين بنتين واحدة شتمت كارما، والتانية ردت الشتيمة وضربت (راوية) ونتج عن الضرب شرخ في الأنف".
وأضافت نرمين: قامت الدنيا ما قعدتش، وتحولت الخناقة لقضية رأي عام، على الرغم إن إدارة المدرسة حولت ملف راوية الليثي من سنتين للوزارة، عشان يتم فصلها فصل نهائي، عشان برضه واقعة ضرب، ولم يتم قبول الطلب، واتقالنا دوركم تربوي قبل التعليم".
وتابعت: "قمنا بدورنا وقوّمنا سلوك البنت لمدة سنتين، ما حصلش فيهم أي واقعة أو مخالفة من البنت، اللي كانت بتقوم بضبط النفس جدًا عشان مستقبلها، خاصة إنها بنت متفوقة جدًا دراسيًا، وكان من المفترض إنها هتقدم ورقها انهارده في كلية الطب جامعة الجلالة".
وكيلة مدرسة كابيتال الدولية أكملت قائلة "تقوم بنت من 6 grade تتخانق مع أختها وتشتمها بالأم فتلجأ البنت لأختها الكبيرة اللي هي راوية عشان تجبلها حقها، خاصة إن كارما أطول وأعرض منها، وده اللي سمح لها بالتسلل لمنطقة الـ High School اللي ما كنش المفروض تكون فيها وتسمع راوية شتيمة أمها بودنها فتنهال علي البنت بالسب والضرب".
مهاجمة وزير التعليم
وأضافت " راوية ما تقدرش تتمالك أعصابها ويروح مجهود سنتين معاها من العلاج والتدريب على ضبط النفس ويضيع مستقبلها كله بسبب نشر الفيديو اللي هيج الرأي العام وقوم الدنيا وما قعدهاش فيضيع مستقبل البنات وتتحول المدرسة للإشراف المالي والإداري".
وأكملت حديثها: "السؤال هنا هي المدارس اللي تحت الإشراف المالي ما بيحصلش فيها خناقات ولا تجاوزات وماشية ع الخط المستقيم ولا أنتم بتدوروا علي أي سبوبة".
وهاجمت وزير التعليم، قائلة: "واضح أن كابيتال كانت حرقاك أوي يا محمد يا عبداللطيف، إحنا عرفنا دلوقتي أجندتك وإنك مش هتسمح لأي مدرسة إنها تنافس مدرسة ماما، بس خد بالك الكرسي مش بيدوم وانهاردة ليك وبكرة عليك ويوم ما هتبقي عليك الناس مش هترحمك".
غضب رواد مواقع التواصل
وبعد تصدر المنشور الترند عبر مواقع التواصل الاجتماعي، عادت نرمين محمد وحذفته من على حسابها بل وأغلقت الحساب.
واعتبر رواد مواقع التواصل الاجتماعي، أن ما كتبته "نرمين" إساءة إلى الوزير، كما انتقدوا لغة المسئولة في الحديث متسائلين عن كيفية وصولها لهذا المنصب.
"حرقاك أوي يا محمد "
لغة المربية الفاضلة مديرة مدرسة كابيتال في خطابها لوزير التعليم " حقا نحن أمة في خطر" pic.twitter.com/bDWa5Jyx89
— نشأت الديهي (@eldeeehy) January 20, 2025
