وجّه رمضان صبحي، لاعب بيراميدز، رسالة شكر لكل من سانده بعد وقف تنفيذ حبسه لمدة ثلاث سنوات في قضية التزوير.
ونشر صبحي عبر حساباته الرسمية على مواقع التواصل الاجتماعي: "شكرًا من قلبي، شكرًا بعد ربنا لعيلتي وصحابي ولكل حد وقف جنبي في أزمتي الأخيرة سواء بكلمة أو بدعوة أو حتى بنية صافية. الدعم ده فرق معايا جدًا ومش هنساه طول عمري. شكر كبير لملاك نادي بيراميدز مش بس على الدعم لكن على الثقة والموقف الإنساني الواضح من أول لحظة".
وأضاف اللاعب: "شكر خاص لمجلس إدارة النادي الأهلي برئاسة الكابتن محمود الخطيب على موقفهم الإنساني من البداية وعلى دعمهم القانوني لحد ما الأزمة عدت على خير. الأهلي بيتي وعمري ما نسيت ولا هنسي فضله عليا. وبعتذر لكل حد بعتلي أو كلمني وما قدرتش أرد عليه، وبطمنكم إن رسايلكم ودعمكم وصلوا وكان ليهم أثر كبير عندي. ربنا ما يكتب أزمة على حد، ولو حصلت يبعتله ناس زيكم، ألف شكر".
