ياسمين عبدالعزيز
في الجزء الثاني من حوارها الصادم مع منى الشاذلي على قناة ON، مساء اليوم الجمعة ،فجّرت الفنانة ياسمين عبد العزيز قنبلة عاطفية وهي تبكي على الهواء، قائلة بحرقة: «الشهرة مش أحسن حاجة.. أنا بستغرب الناس اللي بتجري وراها.. أنا من وأنا 12 سنة وأنا تحت الأضواء، عمري ما عشت حياتي زي أي بنت عادية.. طول عمري بخلّص تصوير وأروح البيت على طول».
وأضافت ياسمين بصوت متهدج:«مفيش حرية خالص.. لو خرجت أتعشى مع حد هيقولوا ياسمين عملت وسوت، لو ضحكت هيقولوا بتضحك ليه، لو بكيت هيقولوا بتبكي ليه.. كل حاجة بتتحسب علينا.. حتى لو رايحة أجيب أولادي من المدرسة لازم ألبس نظارة وكاب عشان محدش يعرفني».
وكشفت عن قرارها الحاسم بحماية أولادها من الشهرة: «أنا مخبية ابني وبنتي تماماً.. مقولتش لهم يمثلوا أبدًا.. بعيد خالص عن الأضواء.. أنا عايزاهم يعيشوا طفولتهم زي ما أنا محرومة منها».
واستطردت: «أنا قاعدة في البرنامج دلوقتي وبحاول أمسك نفسي في كل كلمة.. لأن في ناس مستنية أي غلطة.. الشغل ده مفيهوش حرية.. في ناس بتقدر تتجاهل وتعيش، لكن أنا مش كده.. أنا حساسة أوي».
وختمت ياسمين بدموعها: «أتمنى أعيش يوم واحد من غير ما حد يبص لي أو يصورني أو يحكم عليا.. أنا فعلاً ماعشتش حياتي».
الحلقة حققت تفاعلاً هائلاً، وتصدر هاشتاج #ياسمين_عبد_العزيز التريند في مصر والوطن العربي، وسط تعليقات الجمهور: «أول مرة نشوف ياسمين بتبكي كده»، «الشهرة فعلاً سجن ذهبي»، «ربنا يعوضك يا ياسمين».
