تعرض الفنان محمد الشرنوبي لموجة من السخرية والانتقادات بعد تداول فيديو له وهو يؤدي أغنية، حيث ركّز عدد كبير من المتابعين على ظهور شعر تحت إبطه بدلًا من الاهتمام بأدائه الفني.
"الموضوع يخص النظافة الشخصية"
في تصريحاته، علّق الشرنوبي على تلك الانتقادات قائلًا: «نزلت فيديو بغني فيه أغنية، الناس سابت الفيديو وبصت على شعر باطي! أنا مقتنع أن الموضوع له علاقة بالنظافة الشخصية، أنا لو مش نضيف مالكش دعوى، لو ريحتي وحشة قول اللي إنت عايزه، لكن إزاي شميتني في الفيديو؟ دا إنت رخم جدًا».
السخرية تتحول إلى مادة للضحك
أوضح الشرنوبي أنه يتعامل مع الموقف بروح الدعابة، مضيفًا: «أنا باخد الحاجات دي بضحك، بس مش فاهم ليه الناس باصين في باطي؟ هو أنا حاطط باطي في مناخيركم! وبعد كده نزلت صورة عامل كده (ورفع ذراعه) عشان أقول للناس: باطي مية مية على فكرة».
فيلم جديد في صيف 2025
من ناحية أخرى، أوشك الفنان محمد الشرنوبي على الانتهاء من تصوير فيلمه الجديد "الساعة 7" المقرر عرضه في صيف 2025 بجميع السينمات المصرية. ويقدّم العمل تجربة سينمائية جديدة تدور في إطار كوميدي مشوّق، وتتناول أفكارًا معاصرة تهم الجمهور.
فريق عمل الفيلم
يشارك الشرنوبي في بطولة الفيلم نخبة من أبرز نجوم الكوميديا، منهم: محمد ثروت، وأحمد الرافعي، ونور إيهاب، وندا موسى، ومحمود حافظ، وأحمد الأزعر، ونادين، كما يظهر الفنان بيومي فؤاد كضيف شرف في الفيلم.
