تصدر اسم هايدي محمد مواقع التواصل الاجتماعي بعد انتشار فيديو لها وهي تتنازل عن شراء كيس شيبسي لمساعدة أحد المحتاجين في الشارع.
وقالت هايدي في تصريحات خاصة: "هو كان صعبان عليّ فديته الـ5 جنيه اللي معايا، هو غلبان ومحتاج وربنا أكيد هيرزقني أكتر من الخمسة جنيه دول."
وأضافت الطفلة: "دايمًا بحب أساعد الصغار والناس المحتاجين، وده شيء متعوده عليه من زمان. عمو في السوبر ماركت جري ورايا عشان يديني كيس شيبسي تاني، بس أنا مرضتش آخده وقلتله لا شكرًا. ربنا يخليلي بابا دايمًا."
من جهته، أكد والدها أن هايدي متعودة على مساعدة الآخرين منذ الصغر، وأنه لا يحرمها أي شيء، ما يعكس روحها الطيبة وميلها للعطاء منذ سن صغيرة.
وتابعت هايدي حديثها عن أحلامها المستقبلية: "نفسي لما أكبر أبقى دكتورة وأساعد الناس كلها، وده حلمي اللي نفسي أحققه."
