أكد الإعلامي مصطفى بكري أن الرئيس عبد الفتاح السيسي يمتلك العديد من الخطوط الحمراء التي لا يجب تجاوزها تحت أي ظرف، مشددًا على أن القوات المسلحة المصرية قادرة على مواجهة أي تهديد أو تحدٍ، قائلاً: "جيشنا يقدر يأدب اللي أمه مش أدبته، ويعلم اللي مش تعلم في تاريخه".
وأضاف بكري، خلال تقديمه برنامج "حقائق وأسرار" المذاع على قناة صدى البلد، أن غضب المواطنين من بعض المسؤولين نابع من ابتعادهم عن نهج الرئيس السيسي، موضحًا: "اللي مش هيمشي على نفس نهج الرئيس السيسي علشان مصر تبقى قد الدنيا، لا مش عاوزينه".
وتابع: "اللي يهمني هو البلد، والراجل اللي بيبذل أقصى جهده علشانها، ولو الأمور مشت عكس اللي عايزه الرئيس، هنشوف الإخوان وغيرهم هيعملوا فينا إيه، في أماكن انطفى فيها الأمل، وبقولها من قلب محب، لازم يحصل تغيير لبعض المسؤولين اللي مش بيشتغلوا لصالح الوطن".
ووجه بكري رسالة مباشرة إلى الرئيس السيسي، قائلاً: "حضرتك المنقذ لأنك شلت كتير ومشيت، والمنجز لأنك نفذت مشروعات كتيرة، وإحنا محتاجين ناس زيك قلبها على الوطن، مش كل واحد يجيب شلّته ويفشلوا، بنقولها لحضرتك من حبنا للوطن وغيرتنا عليه".
وأكد بكري في ختام حديثه أن الأمل لا يزال قائمًا بفضل القيادة السياسية، داعيًا إلى ضخ دماء جديدة في مفاصل الدولة، بأشخاص يضعون مصلحة الوطن فوق كل اعتبار.
